Beynəlxalq şöbə: Fransada noyabrın 5-7-də İslam və Yəhudi dialoqu beynəlxalq günləri keçiriləcək. Bu günlərdə məscidlərin, kinisələrin və islami və yəhudi mərkəzlərinin qapıları hamın üzünə açıq olacaq.
İQNA Quran agentliyi “Ajmf” saytına istinadən məlumat verir ki, bu tədbirlər Fransa İslam və Yəhudiyyət dostluq birliyinin təşəbbüsü ilə keçirilir. Tədbirlərin keçirilməsindən məqsəd dinlərarası dialoqun səviyyəsinin artırılmasıdır.
Fransada yaşayan Yəhudilər bu ölkənin müsəlman məscidlərində və cümə namazlarında iştirak edə biləcək. Eləcə də Müsəlmanlar Fransada müxtəlif Yəhudi kinisələrində dini ayinlərlə tanış ola bilərlər.
Fransa İslam və Yəhudiyyət dostluq birliyi bəyanat yayaraq müsəlman və yəhudiləri dinlərarsı dialoqun səviyyəsini artırmaq məqsədi ilə bu üç gün ərzində məscidlərdə və kinsələrdə iştirak etməyə və danışıqlar aparmağa çağırıb.
Birlik həmçinin belə bir tədbirlərin gələcəkdə digər ölkələrdə də təşkil olunacağına ümidvar olduğunu deyib.
source : www.iqna.ir
