Beynəlxalq şöbə: Birləşmiş Ərəb Əmirliklərinin paytaxtı Əbu-Dabidə “Şeyx Zaid” məscidində 500 il tarixi olan nadir Qurani Kərim toplusu olan kitabxana fəaliyyətə başlayıb.
İQNA Quran agentliyi “Əl-İmarat əl-Yövm” saytına istinadən məlumat verir ki, Şeyx Zaid məscidinin idari şurasının sədri Əli bin Təmim bildirib ki, bu kitabxanada saxlanılan Quranların tarixi 500 ildən çoxdur. Buradakı Quranlar 1537 –dən 1857-ci ilə kimi Avropada çap olunublar.
Təmin əlavə edib ki, bu islami kitabxanada nadir əlyazmalar, tapılmayan kitablar və dəyərli sənədlər saxlanılır. Kitabxanada dünyanın 12 dilinə elmi və mədəni mövzularda 3000 –dən çox kitab mövcuddur, -deyə Təmim deyib.
Təmimin sözlərinə görə, bu kitabxana Şeyx Zaid məscidinin şimal tərəfində yerləşən minarəsinin üçüncü mərtəbəsində yerləşir. Onun sözlərinə görə, ilk dəfədir ki, məscid minarəsində kitabxana istifadəyə verilir.
source : www.iqna.ir
