Beynəlxalq şöbə: Fransanın Strazburq şəhər məscidinə naməlum şəxslər məktub göndərərək müsəlmanları ölkədən qovmaqla hədələyiblər.
İQNA Quran agentliyi AFP agentliyinə istinadən məlumat verir ki, naməlum şəxslər Strazburqun Türklər oturan məhəlləsində “Eyyub Sultan” məscidinə məktubu ünvanlayıblar. Məktubda yazılıb “bizim torpaqlarımızdan çıxın gedin ya da ki, özümüz sizi qovacayıq”.
Strazburq müsəlmanlarının sözçüsü Yəhya Nalband deyib ki, məktubun içərisində bir hissəsi yandırılmış Qurani Kərimdən bir vərəq də var idi. Məktub ünvanlayanlar müsəlmanları ölümlə də hədələyiblər.
O əlavə edib ki, polis hazırda məsələni araşdırır və bu islama zidd hərəkəti törədənlərin həbsi istiqamətində iş gedir.
Nalband deyib ki, Fransa müsəlmanları bu kimi hərəkətləri pisləyir və bilirlər ki, belə fəaliyyətlər ümumi asayişin pozulması məqsədi ilə atılır , lakin bu cinayəti törədənlərlə mübarizə aparmaq lazımdır.
source : www.iqna.ir
