Beynəlxalq şöbə:Hər il olduğu kimi bu il də zilhiccə ayının 9-u Ərəfə günü Kəbə evinin pərdəsi əvəz edilib.
İQNA Quran agentliyi "Shabestan" agentliyinə istinadən məlumat verir ki, hər il Təməttö həcci ərəfəsində hacılar Ərəfə çölündə olarkən Kəbə evinin pərdəsi dəyişdirilərək, Allahın evi yeni paltar geyinir.
Hal-hazırda yeni pərdə üzərində tamamlama işləri gedir. Pərdənin uzunluğu 6, 5 metr, eni isə 3,5 metrdir. Üzərində qızıl butalarla qızılı və gümüşü xətlə Quran ayələri yazılır.
Pərdə üzərində yazılan Quran ayələri arasında “Ya Həyyu ya Qəyyum, ya Rəhman, Ya Rəhim, Əlhəmdulillahir- rəbbil- aləmin” yazılıb. Kəbə pərdəsi 5 hissədən ibarətdir və hər bir hissə Kəbənin bir tərəfini örtür. Beşinci hissə isə Kəbənin qapısını örtür. Pərdə yerləşdirildikdən sonra ağırlığı 2 ton olur.
Qeyd edək ki, ümumi sahəsi 658 kvadrat metr olan örtük, 14 metr uzunluğa malikdir. Bundan əlavə yeni örtük 101 santimetr genişliyində 47 parçadan ibarət olub.
source : www.iqna.ir
