Azərbaycan dindarları alimlərdən məktəblərdə hicaba qoyulmuş qadağaya müdaxilə etmələrini istəyib

İctimai və siyasi şöbə: Azərbaycan məktəblərində hicab qadağasına etirazlar davam edir. Bu ölkənin dindarları Qum və Nəcəf şəhəri dini elmiyyə hövzələrində olan müctəhidlərə müraciət edərək onların hicab qadağasına etiraz etməsini istəyib.

İQNA Quran agentliyinin məlumatına əsasən, Azərbaycanda siyasi məqsədlərlə süni şəkildə yaradılmış hicab problemi hələdə davam edir. Müraciət edənlər dini alimlər və müctəhidlərdən istəyirlər ki, bəyanatlar yayaraq bu məsələyə müdaxilə etsinlər.

Artıq bir neçə müddətdir ki, Azərbaycanda hicab problemi gündəmdədir. Azərbaycanın bir sıra məktəblərində hicabla bağlı yaranmış problem ölkə insanını narahat etməkdədir. Baxmayaraq ki, ölkə Konstitusiyasında və “Təhsil haqqında” qanunda hicabla bağlı heç bir qadağa yoxdur, bəzi direktorlar hicablı şagirdlərə qeyri-hüquqi məhdudiyyət tətbiq edərək, onları dərsə buraxmır.