Beynəlxalq şöbə: İslami sənət əsərləri mövzusunda IV beynəlxalq konfrans yanvarın 4-15 Kuveytin böyük məscidində təşkil olunacaq.
İQNA Quran agentliyi “Muhit” saytına istinadən məlumat verir ki, Kuveyt Böyük Məscidinin idarə rəisi Əhməd Əl-Əsfur bu gün Kuveytdə keçirdiyi mətbuat konfransında bildirib ki, konfrans Kuveyt İslami işlər və vəqflər nazirliyinin təşəbbüsü ilə təşkil olunur. Konfransda İslami sənət əsərləri sahəsi üzrə ekspertlər və nəzər sahibləri iştirak edəcək.
O bildirib ki, konfransın keçirilməsindən əsasə məqsəd, Kuveyt Böyük məscidinin mədəniyyət işlərində rolu və əhali ilə məscid arasında əlaqənin genişləndirilməsidir. Konfrans islami sənət əsərlərinin dəyəri və əhəmiyyəti haqda maarifçilik məqsədi ilə keçirilir.
Konfransda müsəlmanlar çox qədim dövrlərdə yaradıcılığı sayəsində ərsəyə gəlmiş seramika üzərindəki islami sənət əsərlərindən danışılacaq.
Konfrans çərçivəsində ərəb xətləri və islami rəsm əsərlərindən ibarət sərgidə təşkil olunacaq.
Əl-Əsfur həmçinin əlavə edib ki, konfransda Fələstinli sənətkarlar da iştirak edəcək və konfransı gündəliyində fələstinli incəsənət xadimlərinin əl işlərindən danışılacaq. Konfransda həmçinin Qüdsün Ərəb dünyasının mədəniyyət paytaxtı seçilməsi məsələsi də müzakirə ediləcək.
source : www.iqna.ir
