Beynəlxalq şöbə: Dünyanın sülhsevərləri tərəfindən edilən etirazlara, islam ölkələrinin etirazına rəğmən sionist rejimi öz işğalçılıq siyasətlərini davam etdirir. Sionist rejiminin Qüds üçün proqramlaşdırma komissiyası gələn həftə Qüdsün “Gilo” regionunda böyük tikinti işləri layihəsini təsdiqləyəcək.
İQNA Quran agentliyinin “Kuna” agentliyinə istinadən məlumat verir ki, bu layihə hazırda komissiyanın təsdiqindən keçməsini gözləyir, təsdiq olunarsa Qüdsdə 1400 ev tikiləcək.
Məlumata əsasən, layihənin təsdiq olunmasına dünyanın müxtəlif ölkələrindən etirazlar olunacağı ehtimal olunacaq. ABŞ ötən il İsrailin Qüdsdə 900 yeni ev tikməsi ilə razılaşmamışdı. Yeni evlər Qüdsdə “Beyt Cala” şəhərinin yaxınlığında “Əbu – Qənim” dağının şimal-şərqində tikiləcək. İndiyədək bu regionda 800 ev tikilib və 35 min yəhudi həmin evlərdə məskunlaşıb. Yeni evlərin tikilməsi ilə Beyt Cala şəhəri Qüdsün tarixi hissəsindən ayrılacaq. Sionist rejimi illərdir Qüdsdə İslami tarixi abidələri dağıdır və bu hadisələr İKT, YUNESKO və digər beynəlxalq qurumların gözü qabağında baş verir , onlar isə buna laqeyd yanaşırlar.
source : www.iqna.ir
