Onun beyni bir çox məqamları ayrıd edir.
Əhli Beyt xəbər agentliyinin verdiyi xəbərə əsasən: "The Telegraph" bildirir ki, uşaqlar artıq 3 aylıq olanda qəmli səsləri neytral səslərdən dəqiq ayrıd edə bilirlər. Araşdırmalar göstərir ki, körpələrin beyinlərinin emosiyaların "emal"ına cavabdeh olan hissələri qəmli səslər gələndə daha sürətlə fəallaşır.
Londonun Kral və Universitet kolleclərində aparılmış tədqiqatlarda 3-7 aylıq uşaqlar müayinə olunub. Onların beyin fəallığının skanlaşdırılması üçün alimlər maqnit-rezonans tomoqrafiyasından istifadə ediblər. Məlum olub ki, uşaqlar su və ya oyuncaq səsləri ilə müqayisədə insan səslərinə - məsələn, əsnəmək və ya öskürək - daha tez alışırlar.
"Görünür, insan səsi o qədər mühüm sosial siqnaldır ki, beyin onun "emal"ına lap kiçik yaşlarda başlayır. Bu, sosial tərəfdaşlıq və dil öyrənməyin ən birinci mərhələsi də sayıla bilər", - London Kral Kollecinin əməkdaşı Anna Bleyzi bildirib.
source : ابنا
