Siyasi və ictimai şöbə: “Mən hicab bağlamışam, ən gözəl müsəlmanam” adlı hicab forumu cari il mordad ayında Rusiyanın Çelyabinski şəhərində yerləşən “İsmayıl” məscidində keçiriləcək.
İran Quran Xəbər Agentliyi : “islam.ru” xəbər bürosunun məlumatına əsasən, mordad ayının 2-si yerli vaxtla saat 15-də bu şəhərin bir qrup müsəlmanları və bu məscidin ibadət əhlinin iştirakı ilə keçiriləcək.
Bu forumun təşkilatçılarından biri Amina Dalganova çıxışı zamanı dedi: İnanırıq ki, hicab bir kişinin qadına olan münasibətini dəyişəcək. Müsəlman qadın islam geyimində, hicabda özünü zülm altında deyil, daha çox sərbəst və azad hiss edir. Çünki, o başqalarından elm, ağıl, təqva baxımından fərqlənmək istəyir.
“Hicab, bir müsəlman qadının geyimi” haqqında çıxışlar, mükəlləf yaşına çatmış qızlar haqqında şer və hekayələrin oxunması, hicabın cəmiyyətdə əhəmiyyəti haqqında filmin nümayişi və s. proqramlar bu forumun əsasını təşkil edəcək.
source : ایکنا