![GƏNCƏLİ RUHANİLƏRİN İŞİNƏ YENİDƏN BAXILACAQ GƏNCƏLİ RUHANİLƏRİN İŞİNƏ YENİDƏN BAXILACAQ](https://erfan.ir/system/assets/imgArticle/2011/08/43310_35799_135420_m.jpg)
E.Namazov qeyd etdi ki, digər ruhani Azər Cəbiyevi Bakıya gətiriblər. Onun sözlərinə görə, A.Cəbiyev hazırda Şüvəlan təcridxanasında saxlanılır. E.Namazovun bildirdiyinə görə, valideynlərinə A.Cəbiyevin 14 saylı cəzaçəkmə müəssisəsinə göndəriləcəyini deyiblər.
GƏNCƏLİ RUHANİLƏRİN İŞİNƏ YENİDƏN BAXILACAQ
Əhli Beyt xəbər agentliyinin verdiyi xəbərə əsasən:
Gəncə Apelyasiya Məhkəməsində hakim Rəşid Məhərrəmlinin sədrliyi ilə Gəncə sakini, ruhani Fəxri İlyasovun işi üzrə məhkəmə prosesi keçirilib. Vəkil Elçin Namazovun bildirdiyinə görə, proses zamanı hakim müdafiə tərəfinin bir sıra vəsatətlərini rədd eləsə də, təkrar məhkəmə istintaqı keçirilməsi haqda qərar verib: “Müdafiə tərəfi birinci instansiya məhkəməsində istintaqın obyektiv aparılmadığı ilə bağlı məsələ qaldırdıq. Hakim təkrar məhkəmə istintaqı aparılması haqda qərar verdi. Avqustun 11-də Apelyasiya Məhkəməsində proses davam edəcək”.
E.Namazov qeyd etdi ki, digər ruhani Azər Cəbiyevi Bakıya gətiriblər. Onun sözlərinə görə, A.Cəbiyev hazırda Şüvəlan təcridxanasında saxlanılır. E.Namazovun bildirdiyinə görə, valideynlərinə A.Cəbiyevin 14 saylı cəzaçəkmə müəssisəsinə göndəriləcəyini deyiblər.
Xatırladaq ki, gəncəli ruhanilər Azər Cəbiyev və Fəxri İlyasov bu il yanvarın 14-də Azərbaycan-Gürcüstan sərhədində saxlanılaraq Gəncəyə aparılıb. Daha sonra ruhaniləri Gəncə polisinə müqavimətdə ittiham edərək barələrində cinayət işi açılıb.
source : ابنا