Kərbəlada İmam Hüseynin (ə) müqəddəs hərəminin dəstəyi ilə uşaqlar arasında keçirilən “İmam Zamana (əf.) məktub” müsabiqəsinin qalibləri müəyyən edildi.
Quran Xəbər Agentliyi Nun xəbər agentliyinin verdiyi məlumata görə, müsabiqə “əgər fürsətiniz olsa, İmam Zamana (ə.f) nə yazardınız?” şüarı altında dini sferada uşaqlar arasında əlaqə yaratmaq, onların Əhli-Beyt ilə, xüsusilə İmam Zamanla (ə.f) tanışlıq və ünsiyyət qurmaları, fikri və əxlaqi inkişafları, dini cəhətdən təkmilləşmələri məqsədilə təşkil olunub. 12 yaşdan aşağı 848 uşağın qatıldığı müsabiqənin qalibləri avqustun 27-də müəyyənləşib.
Bu müsabiqədə İmam Hüseyn (ə) hərəmi tərəfindən uşaqlara “əgər fürsətiniz olsa, İmam Zamana (ə.f) nə yazardınız?” sualı verilib. İraqlı uşaqların hər biri bu suala özünəməxsus şəkildə cavab yazmışlar.
Xatırladaq ki, bundan qabaq İmam Hüseynin (ə) müqəddəs hərəminin dəstəyi ilə Peyğəmbərin (s) ramazan xütbələrindən birinin, həmçinin məsumlardan 40 hədisin, “Qədir” xütbəsindən bir hissənin, Əsmaul-hüsnanın və “Kisa” hədisinin hifzi üzrə müsabiqə keçirilmişdi.
İlk dəfə vacib oruc tutan uşaqların iştirak etdiyi bu müsabiqədə əsasən valideynə hörmət mövzusunda olan ayələrinin hifzi nəzərdə tutulmuşdu.
source : ایکنا