İslam qanunlarına inanan və əməl edən azərbaycanlı dindar ailələr hicablı müəllim və şagirdlərin orta məktəblərdə dərsə buraxılmamasına görə yeni tədris ilini narahatlıqla gözləyirlər.
Quran Xəbər Agentliyi : Arannews xəbər agentliyinin verdiyi məlumata görə, keçən ilin noyabr ayından hicablı müəllim və şagirdlərin orta məktəblərdə dərsə buraxılmaması yeni tədris ilində yenidən dindar ailələri narahat edir.
Keçən bu müddət ərzində bu qadağanın aradan qaldırılması istiqamətində dindar əhali bir çox yollardan istifadə etməklə öz narahatçılıqlarını bildiriblər, lakin bunların hələ də müsbət nəticəsi olmayıb. Bu yöndə keçirilən aksiyalarda fəal ruhanilər və partiya nümayəndələri həbs edilib, əsassız ittihamlarla mühakimə ediliblər.
Həmçinin son aylarda məsələnin həlli üçün dindar əhali imzatoplama aksiyasına start verərək 130 mindən çox imza toplayaraq ölkə rəhbərliyinə ünvanlamışlar.
Hal-hazırda ölkə əhalisinin fəal islamçılarının əksəriyyəti rəsmi Bakının dinə qarşı fəaliyyətinin ardında siyonist rejimin durduğunu bildirirlər. Buna görə də Beynəlxalq Qüds Günündə hakimiyyətin təhlükəsizlik tədbirlərini gücləndirməsinə baxmayaraq, ölkə ərazisində geniş aksiyalar həyata ekçirilmişdir.
Əhali rəsmi Bakının Türkiyədən ibrət alaraq İsrail rejimi ilə münasibətləri kəsməsinə və şiəliyə qarşı siyasətə son qoymasına ümid edir.
source : ایکنا
