İslamda Məzhəblərarası Yaxınlaşma Ali Komissiyası 14-15 sentyabrda Mərakeşin paytaxtı Ribat şəhərində bir araya gələcək.
Quran Xəbər Agentliyi : İSESCO-nun mətbuat xidmətindən verilən məlumata görə, bu yığıncaq quruma üzv ölkələr üçün İslamda məzhəblərarası yaxınlaşma mövzusunda dərs kitablarının hazırlanması məqsədilə İslam Ölkələri Təhsil, Elm və Mədəniyyət Təşkilatı (İSESKO) tərəfindən təşkil edilib.
Təşkil ediləcək proqram çərçivəsində qurumun baş katibi Əbdüləziz Osman, Mərakeş Dini İşlər naziri Əhməd Tofiq və İslam Konfransı Təşkilatı yanında Beynəlxalq Fiqh Akademiyasının rəhbəri Xalid Əhməd Babekr çıxış edəcək.
Oman müftisinin müavini Kəhlan ibn Nəbhan Xurusi, Dünya Müsəlman Alimlər Birliyinin baş katibi Əli Muhyiddin Qaradağlı, İslam Konfransı Təşkilatına üzv ölkələrin Parlamentlər İttifaqının sədri Mahmud İrvil, Mədinə İslam Universiteti nümayəndəsi Əbdüləziz Tuyan, Mərakeşin “Hüseyniyyə” hədis evinin müdiri Əhməd Xəmlişi, Misir müftisinin elmi müşaviri Məcdi Muhəmməd, Yəmənin “Bədr” elm və mədəniyyət mərkəzinin rəisi Mürtəza ibn Zeyd Məhturi, Mavritaniya İslam Respublikasının “Müasir Şingetti” Universitetinin rəhbəri Muhəmməd Muxtar, Livanın şiə alimlərindən Şeyx Əli Əmin və İslamda Məzhəblərarası Yaxınlaşma Ali Komissiyasının sədr müavini Muhəmməd Həsən kimi bir çox yüksək səlahiyyətli şəxslər iştirak edəcək.
İslamda Məzhəblərarası Yaxınlaşma yığıncağı İslam məzhəblərinin dəyərlərinə təhqirin qadağan olunmasını ehtiva edən bəyanatla sona çatacaq.
source : ایکنا