Miladi 2012-ci ildə islam dünyasının mədəniyyət paytaxtı elan edilən tikilməkdə olan, Nəcəfül-Əşrəf şəhərinin mədəniyyət mərkəzi cari ilin aban ayında açılacaq.
İraq nazirlər kabinetinin baş katibi, Quran ali komitəsinin təşkilatçısı Rəəd Ədnan Şezrol Nasiri və İraqın Nasiriyyə şəhərinin “Qurani-Kərim evi” müəssisəsinin müdiri Türkiyənin “Rutam” şirkətinin rəhbəri ilə Nəcəfül-Əşrəfin mədəniyyət evinin layihəsi barədə danışıqlar aparıb.
Türkiyənin Rutam şirkətinin müdiri bu danışıqlar əsnasında dedi: Bu mədəniyyət evi konfransların, qurultayların keçirilməsi üçün nəzərdə tutulan salonlardan ibarətdir, bu salonlar ən müasir səs imkanları ilə təchiz edilmişdir.
Nəcəfin mədəniyyət mərkəzinin bariz gözəlliklərindən biri onun gümbəzidir ki, Şərqin ən böyük gümbəzi hesab edilir, bu gümbəz şüşə ilə örtülmüşdür, həmçinin bu bina 22 elevator və CCTV kameralar ilə təchiz olunmuşdur .
Bunlarla yanaşı həmçinin 600 nəfərlik kino və teatr zalı, kitabxana və sərgidən ibarət iki mərtəbəlik muzey, sərgilərlə əlaqədar dekorasiya yerləri, xanımlar və ağalara məxsus satış mərkəzləri bu mədəniyyət evində hazırlanmişdir.
Türkiyənin Rutam şirkətinin rəhbəri sonda dedi: Bu binanın tikintisi cari il aban ayının sonuna kimi başa çatdırılacaq, amma Nəcəfül-Əşrəfin mədəniyyət mərkəzinin qanuni açılışı miladi 2012-ci il bəhmən ayında nəzərdə tutulmuşdur.
source : ایکنا
