Ayətullah Cənnəti: İran İslam Respublikasının əzəmətli xalq himayəsi olduğu üçün nüvə silahına ehtiyacı yoxdur.
Amerika bir nömrəli cinayətkardır
Əhli Beyt xəbər agentliyinin verdiyi xəbərə əsasən: Tehranın müvəqqəti imam cüməsi sonra deyib: "Vaşinqtonun başçılığı ilə Qərbin Tehrana qarşı təzyiqlərinin şiddətlənməsinə rəğmən, İran sülhsevər nüvə fəaliyyətlərindən əl çəkməyəcək".
İrana qarşı ardıcıl qətnamələrin çıxarılmasının Amerika və bu ölkənin müttəfiqlərinin çaşbaşlığının nişanəsi olduğunu bildirən Ayətullah Əhməd Cənnəti sonra deyib: "Düşmənlər İranın sülhsevər nüvə enerjisindən istifadədə prinsipial mövqelərindən bir an belə geri çəkilməyəcəyini bilməlidir".
Tehranın cümə namazı xətibi Amerika tərəfindən İranın İslam İnqilabı Keşikçilər Korpusu Sepah komandirlərinin terror edilməsi üzrə fitnəkar plana işarə edərək bu hadisəni ABŞ və onun müttəfiqlərinin zəlilliyinin kulminasiya nöqtəsi adlandırıb.
O, deyib: Bu hadisə onların Sepah və Bəsicdən olan qorxularının nişanəsidir. Amma düşmənlər bilmirlər ki, Sepah və Bəsic 8 illik Müqəddəs Müdafiə zamanı kimi daim şəhadət aşiqi olub.
Tehranın cümə namazı xətibi Amerika və digər ölkələrdə etiraz edənlərin döyülməsi və qətlə yetirilməsinin qərblilərin yalançılıqları və riyakarlıqlarının bariz nümunəsi olduğunu da bildirib.
Ayətullah Cənnəti deyib: Hazırda Amerika və onun əlaltılarının həqiqi siması keçmişdəkindən daha da aşkardır.
Tehranın müvəqqəti imam cüməsi sonda Məhərrəm ayının yaxınlaşması ilə əlaqədar deyib: İmam Hüseyn (ə) və Əhli-beyt (ə) əzadarlıqları bu il də tam əzəmətlə təşkil olunacaq.
source : ابنا
