İran parlamentinin Xarici siyasət və milli təhlükəsizlik komissiyasının sədri Əlaəddin Bürucerdi Böyük Britaniyanın Tehrandakı səfirliyinə hücumu dəstəkləyib.
“Bu, tələbələrin imperializmlə mübarizəsinin nəticəsidir”
Əhli Beyt xəbər agentliyinin verdiyi xəbərə əsasən: Ə. Bürucerdi deyib ki, insanların Böyük Britaniya səfirliyi qarşısında keçirdikləri aksiya onların pak həyəcanını və duyğusunu göstərir: “Bu, tələbələrin imperializmlə mübarizəsinin nəticəsidir”.
İranlı deputat hücum faktını milli mənafeyin müdafiəsi kimi dəyərləndirib: “Böyük Britaniyanın İranla əvvəldən düşmənçiliyi var, bu da insanların ürəyində onlara qarşı nifrət yaradıb”.
Ə. Bürucerdi deyib ki, İranda bütün xarici vətəndaşların təhlükəsizliyi beynəlxalq hüquq çərçivəsində təmin olunur: “İran bütün beynəlxalq qanunlara, eləcə də Vyana Konvensiyasına hörmətlə yanaşır. Məhz buna görə də bu məsələ digər ölkələrin və başqa səfirliklərin narahatlığına səbəb olmamalıdır”.
source : ابنا
