Bakı Apelyasiya Məhkəməsi Nurani Məmmədov, Araz İsmayılov və Rüfət Miriyevə Nərimanov Rayon Məhkəməsinin oktyabrın 7-də çıxardığı hökmü qüvvədə saxlayıb.
Hicab məhbusların azad edin!
Əhli Beyt xəbər agentliyinin verdiyi xəbərə əsasən: 2011 mayın 6-da Bakıda, Təhsil Nazirliyinin binası qarşısında keçirilən “Hicaba azadlıq” aksiyasında iştirak edən və polis tərəfindən şərlənərək saxlanan bir qism vətəndaşların Bakı Apelyasiya Məhkəməsində yenidən işləri gündəmə gətirilmişdir
Belə ki, Bakı Apelyasiya Məhkəməsi Nurani Məmmədov, Araz İsmayılov və Rüfət Miriyevə Nərimanov Rayon Məhkəməsinin oktyabrın 7-də çıxardığı hökmü qüvvədə saxlayıb. Apelyasiya şikayətinə hakim Əmir Bayramovun sədrlik etdiyi hakimlər heyəti baxıb.
Qeyd edək ki, Nərimanov Rayon Məhkəməsi Araz İsmayılovu 2 il 6 ay, Nurani Məmmədov və Rüfət Miriyevin hər biri 2 il müddətinə azadlıqdan məhrum edib.
İndiyə qədər 13 nəfər haqqında birinci instansiya məhkəməsinin hökmü oxunub.
Vəkil Anar Qasımlı qeyd edib ki, Ali Məhkəməyə kasasiya şikayəti hazırlamaq üçün Araz İsmayılovun qohumları onunla yeni müqavilə bağlayıb: “Dekabrın 22-də Bakı İstintaq Təcridxanasında saxlanılan Araz İsmayılovla görüşdüm. Kasasiya şikayətinin müəyyən elementlərini müzakirə etdik”.
source : ابنا
