Dünya üzrə geniş qeyd olunan mübarək "Vəhdət" həftəsini yaşamaqdayıq. Əziz İslam Peygəmbərinin (s) - aləmlərin yaranış fəlsəfəsi olan Həzrət Muhəmmədin (s) və İmam Cəfər Sadiqin (ə) mübarək mövludları, habelə "Vəhdət" həftəsi münasibətilə "İcərişəhər “Cümə” məsçidi dini icması bayram tədbirlərinə start vermişdir.
Xəbər verildiyi kimi, artıq ənənə halını almış bilik yarışması - VI "MÖVLUD OLİMPİADASI" keçirilmişdir.
Bu gün həm də icmanın fəalları tərəfindən geniş bayram tədbiri keçirilmişdir. Öncə müqəddəs kitabımız Qurani-Kərimin tilavət olunmuş, dövlət himnimiz cəmlə ifa edilmişdir.
Bayram tədbirində çıxış edən "İcərişəhər “Cümə” məsçidinin imam-camaatı Hacı İlqar İbrahimoğlu səadətli mövludlar münasibətilə hər kəsi təbrik etmişdir. Təbrik çıxışında Hacı İlqar mübarək Rəsulullah (s) mövludunun fəlsəfəsinə toxunmuş, belə bayram mərasimlərinin təşkilinin əhəmiyyətini vurğulamışdır.
Bayram mərasimi "Əhli-beyt (ə) aşiqləri" dini-yaradıcılıq qrupunun bir-birindən gözəl ilahiləri ifa etməsilə davam edib. Tədbir Zəmanə İmamının (ə.f.) "Fərəc" duasının oxunmasıyla tədbir başa çatmışdır.
source : http://deyerler.org
