Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, İran İslam Respublikasının mütəxəssisləri insan quduzluğu vaksinasının yaxın gələcəkdə istehsalına başlayacaqlar.
Bu haqqda İran İslam Respublikasının Pastor adına İnstitut direktoru əvəzedicisinin inkişaf məsələri üzrə müavini Doktor Nəvid Dinpərəst xəbər verib.
O, deyib: Ölkədə insan quduzluğu vaksinasının istehsalı üzrə ilkin və texniki işlər görülüb və keyfiyyətə zəmanət və yekun təsdiq mərhələsindədir.
Doktor Nəvid Dinpərəst söyləyib: İllər boyudur ki, heyvan quduzluğu vaksinası ölkə daxilində istehsal olunur,amma insan quduzluğu vaksinası tezliklə ölkə daxilində istehsal ediləcək.
Mütəxəssislərin fikrincə əgər bir heyvan insanı dişləyərsə, mövzu sadə hesab olunmamalı və dişlənmiş yer su və sabunla yuyulmalıdır, zira quduzluq ağızın selkili qişası vasitəsi ilə yaralıya ötürülür və səhiyyə mərkəzlərinə təcili müraciətlə quduzluq vaksinası və seromu aşılanmalıdır.
Diqqət: Xəbərdən istifadə etdikdə mənbəyə istinad lazımdır
source : www.abna.ir