Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Çeçenistan Muxtar Respublikasının paytaxtı Qroznı şəhərində Məhəmməd peyğəmbərin karikaturalarına qarşı etiraz aksiyaları keçirilir.
Bununla bağlı muxtar respublikanın rəhbəri Ramzan Kadırov açıqlama verib. Onun sözlərinə görə, yaxın saatlarda etirazçıların sayının bir milyona çatacağı ehtimal olunur: "Hazırda nümayişlərə 500 min nəfər toplaşıb. Ancaq bunun bir milyona çatacağı gözlənilir. Biz Həzrəti Məhəmmədin karikaturalarının dərc olunmasına yol verməyəcəyik".
Qeyd edək ki, terror hücumundan sonra Parisin "Çarli Hebdo" satirik jurnalı yenidən Məhəmməd peyğəmbərin karikaturasını dərc edilmiş nüsxəsini 3 milyon tirajla satışa çıxarıb. Bu da bir sıra ölkələrdə müsəlmanların narazılığı ilə qarşılanıb.
source : www.abna.ir
