Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, bu gün miladi tarixi ilə 03, 06, 2015 tarixə təsadüf edən Hicri Qəməri tarixi ilə 15 Şəban, 1436-cı il bəşəriyyətin xilaskarı, dünyanı ədalətlə dolduran, hamının sevimli hakimi həzrət Sahibul Əmr Höccət ibnil Həsən Əskərinin anadan olduğunun ildönümü günüdür.
Biz ABNA olaraq bu gün münasibəti ilə, başda İmam Xamenei həzrətləri olmaqla, Ali Təqlid Mərcələrini, bütün dünya xalqlarını, mömün və məzlumları səmimi qəlbdən təbrik edir və onlara ən gözəl xoş arzular diləyirik.
İmam Zaman həzrətlərinin həyatına qısa bir baxış
Məhəmməd ibn Həsən Hicri Qəməri tarixi ilə, 255-ci il (Miladi tarixi ilə, 869-cu il) Şaban ayının 15-i İraqın Samirra şəhərində dünyaya gəlmişdir. Atası Allah Təalanın yer üzündə təyin etdiyi 11-ci İmam, Həsən ibn Əli əl-Əskəri, anası isə Roma imperatorunun qızı Nərcis Xatundur. Dünyaya gəldiyi ilk illərdə zalım hakim sülalə Abbasilər tərəfindən həyatı üçün təhlükə mövcud olduğuna görə dünyaya gəlməsi gizli saxlanılmışdır. Bu vəziyyət H.Q. tarixi ilə 260-cı ilə (M. tarixi ilə 875-ci ilə) qədər, yəni 11-ci imam Həsən ibn Əli əl-Əskəri Şəhid olmasına və imamlığın həzrəti Məhdi cənablarına (Allah onun şərəfli gəlişini tezləşdirsin) keçməsinə qədər davam etmişdir.
İmam Zaman həzrətləri, atası (Həsən ibn Əli əl-Əskəri əleyhi səlam) zalım Əbbasi xəlifəsi tərəfindən Şəhadətə yetirildikdən sonra imamət məqamına sahib olmuş və sonra da qeybə çəkilmişdir. İstisnaları çıxmaq şərtilə onu şəxsi (özəl) naiblərindən başqa heç kim görməmişdir.
Diqqət: Xəbərdən istifadə etdikdə mənbəyə istinad lazımdır
source : abna
