- Xəbər Agentliyinin verdiyi xəbərə əsasən, bir neçə gün öncə Astara rayonunun Şiyəkəran kənd qəbiristanlığında 20-dək qəbirin başdaşı sındırılaraq yararsız vəziyyətə salınıb.
Hadisə gecə saatlarında törədilib. Sakinlər gündüz qəbiristanlığa daxil olarkən dəhşətli mənzərənin şahidi olublar. Hadisə barədə dərhal rayonun hüquq-mühafizə orqanlarına məlumat verilib. Kəndə gələn polis əməkdaşları ilkin araşdırmalardan sonra iki nəfər sələfi əqidəsini daşıyan yerli sakini şübhəli şəxs qismində saxlayıblar.
Qeyd edək ki, sələfilərin Talış bölgəsində əsas yığışdıqları kənd Təngərüd kəndinin olduğu deyilir.
Xaçmazın Yalama qəsəbəsində isə, qədim tarixə malik Pir yandırılaraq yararsız vəziyyətə düşüb.
Belə ki, dünən Xaçmaz rayonu Yalama qəsəbəsində "Molla Əhməd Piri" adlı türbə yandırılıb. Yanğına vaxtında müdaxilə edilmədiyinə görə, türbə yararsız hala düşüb. Yerli dindarlar yanğının qəsdən törədildiyini istisna etmirlər. Çünki, bu bölgələrdə vəhhabilərin əsas hədəfləri məhz, türbə və qəbirlərdir. Məlumata görə, bu yanğın artıq ikinci faktdır ki, bundan öncə də pirlərin birində yanğın baş vermişdi.
source : abna24