Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Kərbəla Qəhramanı Həzrəti Zeynəbi Kübranın (səlamullahi əleyha) Şəhadətinin ildönümü ərəfəsində Tiblisidə Elmi Seminar keçirilib.
BGMİnin nəzdində fəaliyyət göstərən “Müsəlman Qadınlar İcması”nın təşkilatçılığı ilə Tbilisi Cümə məscidinin iclas zalında “Qadının dəyəri və Dəyərli qadın” mövzusunda keçirilən elmi seminar Quranı Kərimin tilavəti ilə başlayıb.
Seminarda Gürcüstan Müsəlmanları İdarəsinin şeyxi Hacı Ramin İgidov, Ali dini rəhbər Ayətullah Seyyid Əli Xameneinin Bakıdakı Dəftərinin nümayəndəsi Seyyid Əli Əkbər Ocaq Nejat, Əhlibeyt məddahı İmani Nejad, Qadınlar İcmasının üzvləri Lalə Süleymanova, Emilya Səfərova, Esmira nəsibova və başqaları çıxış edib.
İki saat sürən seminarda İslamda qadının məqam və dəyəri və dinimizin baxışında dəyərli qadının xüsusiyyət və özəllikləri mövzusunda çıxışlar edildi. Xanım Zeynəbdən (s.ə) alınan dərslər və bu Kərbəla qəhramanının simasında imanlı, iffətli, izzətli, şərafətli və qəhərman qadın haqda söhbətlər edildi. Seminar Xanım Zeynəbin (s) adına ehsan süfrəsi açıldıqdan sonra dualarla sona çatdı.
Diqqət: Xəbərdən istifadə etdikdə mənbəyə istinad lazımdır
