Xəbər Agentliyinin verdiyi xəbərə əsasən, Ümümdünya Müsəlmanlarının Ali Lideri Ayətullah Xamenei 22 Avqust 2016 tarixdə, Dünya Məscidlər Günü münasibətilə Tehran əyalətinin Məscid imamlarını qəbul edib.
Görüşdə Məscidin mədəni müqavimət və ictimai fəaliyyət mərkəzi olduğunu qeyd edən İmam Xamenei həzrətləri, İslam tarixində Məscidin mühüm siyasi, sosial və hərbi məsələlər haqqında məşvərət, əməkdaşlıq və qərar qəbuletmə mərkəzi kimi rolunu vurğulayıb.
Ayətullah Xamenei Dünya Məscidlər Gününün müəyyənləşdirilməsi haqqında isə "sionist rejimi tərəfindən Əqsa Məscidinə od vurulduğu üçün və İsrailə qarşı İslam ümmətinin mübarizə aparması məqsədi ilə İran İslam Respublikasının israrı ilə İslam əməkdaşlıq Təşkilatında bu gün "Dünya Məscidlər Günü" kimi təsdiq olundu", - sözlərini dilə gətirib.
İmam Xamenei, həmçinin "İslam İnqilabı"nın təsiri ilə ABŞ-ın Qərbi Asiyada (red: Yaxın Şərqdə) zəiflədiyini bəyan edərək, "Əgər millətin imanı və İslama bağlılığı olmasaydı, İran da başqaları kimi Amerika və qeyri-Amerikanın çətiri altına girmiş olardı, buna görə onlar xalqın imanına qarşı dərin ədavət və kin bəsləyir", - deyə vurğulayıb.
Ali Dini Lider zalım və əzazil qüvvələrin genişmiqyaslı, açıq və ya gizli düşmənçiliklərinə baxmayaraq, İslam Respublikasının hər keçən gün daha da gücləndiyini və xalqın iman və birliyilə qərbin mənfur addımlarının boşa çıxacağını qeyd edib.
Diqqət: Xəbərdən istifadə etdikdə mənbəyə istinad lazımdır
source : abna24