Xəbər Agentliyinin verdiyi xəbərə əsasən, Polis Sabunçu rayonu Nardaran qəsəbəsində növbəti əməliyyat-axtarış tədbiri həyata keçirilib.
Məlumata görə, Sabunçu Rayon Polis İdarəsinin 42-ci Polis Bölməsi əməkdaşlarının keçirdikləri əməliyyat-axtarış tədbiri nəticəsində əvvəllər məhkum edilmiş Nardaran qəsəbə sakini Orxan Qasımov şübhəli şəxs qismində saxlanılıb. Ənənəvi olaraq “bölmədə” hal şahidlərinin iştirakı ilə onun üzərinə baxış keçirilən zaman ümumi çəkisi 0.810 qram heroin aşkar edilərək götürülüb.
O.Qasımovun ətrafında əlavə olaraq keçirilən əməliyyat-axtarış tədbirləri nəticəsində onun Nardaran qəsəbəsi, Abşeron küçəsində hasarın dibində “gizlətdiyi” 23 ədəd xarab qumbara alışqanı, 3 ədəd “Makarov” tipli tapançaya məxsus çürük güllə, 2 ədəd keyfiyyəətdən düşmüş qumbara zapalı, 2 ədəd paslanmış bıçaq, 16 ədəd alışdırıcısı və 8 ədəd fitil aşkar edilərək götürülüb. “Faktlarla” bağlı Sabunçu RPİ-nin İstintaq Şöbəsində cinayət işi başlanıb, araşdırmalar davam etdirilir.
Qeyd edək ki, polis tərəfindən “aşkarlanan” silah-sürsat avadanlıqlarının bütövlükdə xarab və keyfiyyətdən düşmüş olduğu şəkillərdən də aydın görükür.
source : abna24