İmam Sadiq (əleyhissəlam) buyurmuşdur: “Agah ol ki,(insanın bulaşmış olduğu) günah olmadan nə vuran (atan)damar, nə büdrəmə, nə başağrısı, nə də bir xəstəlik olar. Bu da (məhz) Allah-taalanın kəlamıdır: “Sizə üz verən hər bir müsibət öz əllərinizlə qazandığınız günahların (etdiyiniz əməllərin) ucbatındandır! (Bütün bunlara baxmayaraq) Allah (günahlarınızın) çoxunu əfv edər.” (şura. 30)
Ardınca demişdir: “Allahın əfv etdiyi (güzəştə getdiyi) cəzalandıracağından daha çoxdur.”
ŞƏRH: Müfəssirlərdən bəzisi qeyd etmişlər ki, ayədə qeyd edilən müsibətlər dünyada insana Allah tərəfindən yetişən cəzalara aiddir. Uşaqlar, dəlilər və günahsız insanların başına gələn bəla və müsibətlər bura aid deyil. Ayənin xitab obyekti onlar deyil.(Mustəfəvi)
Bu ayədə xitab məsum peyğəmbər və imamlara deyil, günah edənlərədir (Əlamə Məclisi) (onları ayırmaq üçün hədislər də qeyd edilmişdir).
عَلِيُّ بْنُ إِبْرَاهِيمَ عَنْ أَبِيهِ عَنْ حَمَّادٍ عَنْ حَرِيزٍ عَنِ الْفُضَيْلِ بْنِ يَسَارٍ عَنْ أَبِي جَعْفَرٍ ع قَالَ: مَا مِنْ نَكْبَةٍ تُصِيبُ الْعَبْدَ إِلَّا بِذَنْبٍ وَ مَا يَعْفُو اللَّهُ عَنْهُ أَكْثَرُ.
İmam Baqir (əleyhissəlam): “Elə bir bədbəxtlik (bəla) yoxdur ki, bəndəyə günah olmadan üz versin (Bəndə, adətən günah işlətdiyinə görə bəlaya düşmüş olar). Allahın onun barədə bağışladığı isə daha çoxdur.”
