Quranın neçə surəsi heyvanların adı ilə bağlıdır?

Qısa cavab

Quranın beş surəsindən hər biri bir heyvanın adı ilə bağlıdır:

1 - “Bəqərə” surəsi (dişi inək), 2 - “Nəhl” (bal arısı), 3 - “Nəml” (qarışqa), 4 - “Ənkəbut” (hörümçək) və 5 – “Fil” surəsi.[1]

Bu surələrin fəziləti:

“Bəqərə” surəsi: Peyğəmbəri-əkrəm (səlləllahu əleyhi və alih)-dən “Quranın hansı surəsi və hansı ayəsi daha çox fəzilətə malikdir?” - deyə soruşduqda, həzrət “Bəqərə” surəsi və Ayətəl-kürsü” deyə cavab verdi.[2]
“Nəhl” surəsi. Peyğəmbər (səlləllahu əleyhi və alih) buyurmuşdur: “Hər kəs “Nəhl” “surəsini tilavət etsə, Allah-taala dünyada ona verdiyi nemətlərdən qiyamətdə hesab almaz.”[3]
“Ənkəbut” surəsi. Peyğəmbər (səlləllahu əleyhi və alih) buyurmuşdur: “Hər kəs “Ənkəbut” surəsini tilavət etsə, Allah-taala onun əməl dəftərində (bütün) mömin və münafiqlərin sayından on qat artıq həsənə qeyd edər.”[4]
“Nəml” surəsi. İmam Sadiq (əleyhis-salam) buyurur: “Hər kəs “Şura”, “Nəml” və “Qəsəs” surələrini cümə axşamı oxusa, ilahi övliyalardan olar.”[5]
“Fil” surəsi. İmam Sadiq (əleyhis-salam) buyurur: “Hər kəs vacib namazlarında “Fil” surəsini oxusa, qiyamət günü dağlar, səhralar və səhraların qumları “bu şəxs namaz qılanlardan idi” deyə şəhadət verəcəkdir.”[6]

“Fil” və “İlaf” surələri bir surə hesab olunduğuna (biri digərini tamamladığına) görə namazda “Həmd” surəsindən sonra “Fil” surəsini oxumaq istəsək, gərək ondan sonra “İlaf” surəsini də oxuyaq.[7] Diqqət yetirmək lazımdır ki, Quran ayələri və surələr üçün deyilən bu və başqa fəzilətlər o zamandır ki, dərindən düşüncə ilə yanaşı qiraət olunsun, onun sayəsində insanın ruhu ilahi maariflə sirab olsun.[8]

[1] Mirzə Baqir, Hüseyni, “Aşnayi və üns ba Quran”, “Hərəm” nəşriyyatı, səh. 43

[2] Yenə orada, səh. 232

[3] Yenə orada, səh. 237

[4] Yenə orada, səh. 241

[5] Əzizi, Abbas, “Quran surələrinin fəzilət və təsirləri”, səh. 47

[6] Yenə orada, səh. 114

[7] “Təhrirul-vəsilə”, 10-cu cild, “əl-qovlu fil-qiraəti vəz-zikr” bölməsi, məsələ 6

[8] “Təfsiri nümunə", 5-ci cild, səh. 144

Ətreaflı cavab

Бу суалын изаһлы ҹавабы јохдур.