Avropa Araşdırmalar və Fətva Şurası bəyanat yayaraq bildirmişlər ki, avqustun 30-u Avropa ölkələrində Fitr bayramı kimi qeyd olunur.
Quran Xəbər Agentliyi : Saphirnews xəbər agentliyinin verdiyi məlumata görə, Avropa Araşdırmalar və Fətva şurasının baş katibi Hüseyn Həlavə bayramın dəqiqi müəyyənləşməsinin astronomik araşdırmalara bağlı olduğunu qeyd edərək deyib: “Qəməri aylarının əvvəlində və sonunda aparılan astronomik hesablamalar çox dəqiqdir. Çünki müasir astronomiya ən yüksək həddə çatmış və tam dəqiqliklə məlumat vermək iqtidarındadır.”
O, sözünün ardında müsəlmanları Fitr bayramı münasibətilə təbrik edərək qeyd edib ki, bu gün bütün dünya müsəlmanları üçün təfriqələrdən uzaqlaşmaq və ittifaq yaratmaq baxımından böyük fürsətdir.
Lüksemburq Müsəlmanlar İttifaqı da bəyanat yayaraq Avropa Araşdırmalar və Fətva Şurasının islam məsələlərinə münasibətini alqışlayaraq bildirib ki, bu şuranın fətvası ölkə müsəlmanları üçün höccətdir.
Fransa Müsəlmanlar Şurası da Fitr bayramının dəqiq vaxtını ölkə müslmanlarına çatdırmaq niyyətindədir. Onların dediyinə görə Avropa ölkələrinin çoxunda Fitr bayramı avqustun 30-da qeyd olunur.
source : ایکنا