Cavab: Bəli, cismani meraca etiqad bəsləmək dinin zəruri məsələlərindəndir. Və bu məsələ Quran ayələri ilə də sübuta yetmişdir. İsra surəsinin 1-ci ayəsindən belə məlum olur ki, Həzrəti Məhəmməd (s) merac gecəsindən Allahın əmri ilə Məkkə şəhərində yerləşən Məscidul-haramdan indiki Fələstin ərazisində yerləşən Məscidul-əqsaya getmiş oradan da Allanın dərgahına ucalmışdır. Bu barədə Nəcm surəsində də məlumat verilir.İsra surəsinin ilk ayəəsində deyilir:
سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ
(Bəzi ayələrimizi (qüdrətimizə dəlalət edən qəribəlikləri və əcaiblikləri) göstərmək üçün bəndəsini (Peyğəmbər əleyhissəlamı) bir gecə (Məkkədəki) Məscidülhəramdan ətrafını mübarək etdiyimiz (bərəkət verdiyimiz) Məscidüləqsaya (Beytülmüqəddəsə) aparan Allah pak və müqəddəsdir. O, doğrudan da, (hər şeyi) eşidəndir, görəndir! ).
Bu hadisə bir çox rəvayətlərdə də öz əksini tapmışdır. Amma o ki qaldı Peyğəmbər (s)-mın bəzi insanların cəhənnəm əzabinna düçar olduğunu,bəzilərinin də cənnət nemətlərində qərq olmalarını müşahidə etməsinə bu qiyamət günü baş verəcək hadisələrin zahiri görünüşü olmuşdur. Yəni,hələ bu dünyada ikəm Allah-Təala Öz peyğəmbərinə qiyamət günü insanların qarşılaşacaqları şiddətli əzabı və dünya həyatında misli olmayan cənnət nemətlərini göstərmiş və bunun canlı şahidinə çevirmişdir.
************
اقْتَرَبَتِ السَّاعَةُ وَانشَقَّ الْقَمَرُ
(O saat yaxınlaşdı və ay (Peyğəmbərin möcüzəsi ilə) parçalandı.)(Qəmər/1)
