Sual 30: İmam Rza (ə)-mın yeddinci İmam Musa Kazım (ə)-ma qüsl verməsi nədərəcədə doğrudur? Nəql olunan rəvayətlərdən bu da məlum olur ki, Əhməd ibn Musa (ə) yaşca İmam Rza (ə)-dan böyük olmuşdur. Bu barədə nəql olunan rəvayətləri nə dərəcədə dogru hesab edirsinız?
Cavab: Zahirdə yeddinci imamı yəni, İmam Musa Kazım (ə)-ma qüsl verən,kəfənləyən və dəfn edən onun əmisi uşaqlarından olan Süleyman olsada əslində İmam Rza (ə) təyyül-ərz edərək, yəni bir göz qırpımında Mədinədən Kazımeynə gələrək kimsə görmədən və hiss etmədən atasına qüsl vermiş, kəfənləmiş ona namaz qılmış və dəfn etmişdir.,,Biharul-Ənvar”-ın 11-ci cildində İmam Rza (ə)-mın vaqifiyyə təriqəti ilə apardığı mübahisəyə işarə olunaraq deyilir: Əli İbn Əbi Həmzə İmam Rza (ə)-ma deyir. Ata-babalarınızdan bizə bələ gəlib çatmışdır ki, məsum imamın dəfni yalnız başqa bir məsum imam tərəfindən yerinə yetirilməlidir.(Bunu deməklə İmam Rza (ə)-mın Mədinədə olduğuna, lakin atasının İraq ərazisində,daha dəqiq desək Kazımeyndə dəfn olunduğuna işarə etmək istəmişdir). İmam Rza (ə) cavabında buyurur: Cəddin İmam Hüseyn (ə) imam olmuşdur ya yox? Əli İbn Həmzə deyir: Bəli. İmam Rza (ə) soruşur: Elə isə deyə bilərsənmi o Kərbəla çölündə şəhid olarkən kim tərəfindən dəfn olunmuşdur? Əli İbn Həmzə deyir: Əli İbn Hüseyn (ə). İmam Rza (ə) soruşur: Əli İbn Hüseyn (ə) məlun İbn Ziyadın əsiri idi,necə ona namaz qıla bilərdi? Əli İbn Həmzə deyir: O, kimsənin xəbəri olmadan Kərbəla çölünə gəlmiş atasını dəfn edərək yenidən əsirliyə qayıtmışdır. İmam Rza (ə) buyurur: Əli İbn Hüseyn (ə)-ma güc və qüdrət verən Allah sözsüz ki, azadlıqda olan əmr sahibinə yəni zəmanənin imamına da (özünü nəzərdə tutur) İraqa gələrək atasını dəfn etməyə imkan vermişdir.
Amma o ki qaldı Əhməd İbn Musa (ə)-mın İmam Rza (ə)-dan yaşca böyük olmasına mən bu barədə rical kitablarında hər hansı bir əsaslı dəlillə qarşılaşmamışam.
************
إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً
(Ey əhli-beyt! Allah sizdən çirkinliyi (günahı) yox etmək və sizi tərtəmiz (pak) etmək istər!) (Əhzab/33).
