قَالَ رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ كَلّا
(Ey Rəbbim! Məni geri (dünyaya) qaytar! Bəlkə, (indiyə qədər) zay etdiyim ömürüm müqabilində yaxşı bir iş görüm! (Yaxud, bu günə qədər tərk etdiyim imana qayıdıb saleh bir əməl edim!) Xeyr!).(Muminun/100).
Yuxarıda qeyd olunan ayə ,,Camiə kəbirə”-ziyarətnaməsində istifadə olunan
مصدق برجعتكم
cümləsi ilə zahirən ziddiyətlik təşkil edir,bu barədə nə deyə bilərsiniz?
Cavab:Əhli-beyt davamçılarının əqidəsinə görə ric’ət İmam Zaman (ə)-mın zühuru zamanı bir dəstə xalis möminin və əhli-beyt üzvlərinin, habelə dünyanın ən inadkar kafir və müşriklərinin dünyaya qayıtmalarından ibarətdir. Bu isə elm və qüdrəti hər şeyi əhatə edən Allah-Təala üçün mümkün və asandır. Ric’ətin nə zaman və necə baş verəcəyini, kimlərin ric’ətdə iştirak edəcəyini bilmək bəşər elmindən xaricdir. Əllamə Məclisi öz hədis kitabında Əhli-beytdən bu barədə ikiyüzə yaxın hədis nəql edir.
Amma o ki qaldı verdiyiniz suala bu barədə bunu deyə bilərik. Ayənin zahiri mənasından belə məlum olur ki, kafirlər vəfat etdikdən sonra Allah-Təaladan yenidən dünyaya qayıdıb əməlisaleh işlər görmələrini xahiş edər cavabında isə onlara rədd cavabı verilər. Bu isə insanın vəfat etdikdən sonra qiyamətə qədər dünya həyatına qayıtmayacagından xəbər verir. Bir haldaki ric’ət zamanı kafirlərdən bəziləri dünyaya qaytarılacaqdır. Dünyaya qayıtmağı arzulayan kafirlərə isə rədd cavabı verilər. Onların bundan məqsədi yenidən dünyaya qayıdaraq əməlisaleh işlər görmək istəmələridir. Lakin ric’ət zamanı kafirlər yer üzünə əhli-beyt, və möminlərin öz haqlarına nail olmalarını görmələri və onlardan intiqamlarını almaları üçün qayıdarlar. Başqa sözlə desək ric’ət zamanı mömin və kafirlərdən bəzilərinin yer üzünə qayıtmalarından ən başlıca məqsəd möminlərin iman və xeyirxah işlərini dahada təkmilləşdirmək deyil, möminlərdən bəzilərinin dünyada məhrum olduqları haqqa çatmaq, kafirləri isə dünyada dada bilmədikləri əzabı daddırmaqdır. Bu səbədən də ric’ət qiyamətin bir hissəsi hesab olunur. Quranın bəzi ayələrində də qiyamət günü ric’ət zamanı adlandırılır.Nəql olunan rəvayətlərin bəzilərində də əyyamullahi səlasə ايام الله ثلاثة -deildikdə ölüm günü, ric’ət zamanı və qiyamət günü nəzərdə tutulur.
************
