Cavab: Ruhların bərzəx aləmində qiyamətə qədər qalması bir-birindən fərqlidir. Lakin bərzəx aləmindəki ruhlar bundan xəbərsiz olar və dünnyadan pak və günahsız getdikləri təqdirdə oranın nemətlərindən bəhrənələrlər, günahları olduqları təqdirdə isə müvafiq cəzalarla cəzalandırılarlar. Kafir diyarında yaşayan haqq dini batil dindən ayıra bilməyən, ayıra bilsə də haqqa doğru mühacirət edə bilməyən şəxslər, habelə dünyalarını yetginlik yaşlarına çatmadan dəyişən uşaqlar, ruhi xəstələr və bu kimi üzürlü şəxslər bərzəx dünyasında xüsusi yerdə saxlanılar və qiyamət günü onlarla Allahın ədalət və fəzli ilə rəftar olunar. Dediklərimizi misallarla aydınlaşdıraq: Bədənin vəfatından sonra ona aid olan ruh dünyadaki cəsədə oxşayan bədənə bənzər. İmam Cəfər Sadiq (ə)-dan bu barərdə nəql olunan rəvayətdə deyilir: (Əgər onları bərzəx aləmində görsən dünyadaki bədənləri oldugunu güman edərsən. Lakin mövcudiyyət baximından özünün ən kamil saflıq və lətafətində olarlar.) Əllamə Məclisi ,,Biharul-ənvar”-da nəql etdiyi rəvayətdə deyir: Mömin insanların bərzəx aləmindəki ruhları cin və mələklər kimi lətif və zərif olarl. Nəql olunan rəvayətlərdə qəbr evinin genişliyi, ruhun hərəkəti, onun uçması və öz qohum-əqrabasını görməsinə dair deyilənlər bərzəx aləmindəki bədənə aiddir. Alimlərdən bəziləri bərzəx aləmindəki bədəni lətafət və zəriflik baxımından inasanın güzgüyə baxdığı zaman orada müşahidə etdiyi surətə bənzətmişlər. Bu fərqləki güzgüdə müşahidə olunan surət heç bir şeyi dərk etmir və onun mövcudiyyəti bədəndən asılı vəziyyətdə olur. Lakin bərzəx aləmindəki bədən həm ruhdan asılı vəziyyətdə olur həmdə dərk etmə qabiliyyətinə malik olur.
************
