Sual 48: Allah-Təala Qurani-Kərimdə şəhadət verməyi gizlətməyə icazə vermir və yalnız iki nəfərin şahidliyini əsaslı olduğunu bildirir. Lakin zina məsələsinə gəldikdə iki nəfərin deyil, dörd nəfərin şahidliyini tələb edir. Buda bizə məlumdur ki, əgər zina barədə dörd nəfər əvəzinə üç nəfər şəhadət verərsə onları şəhadəti nəinki qəbul olunmur, bəlkə əleyhilərinə cəza hökmü belə çıxarılır. Məgər belə bir hökmün verilməsi ayənin zahiri mənası ilə ziddiyətlik təşkil etmirmi? Yəni, əgər şahidlərin sayı dörd deyil,üç nəfər olarsa və onlar da cəzalandırılacaqlarını bildikləri təqdirdə şahidi olduqları zinakarlığı gizlətdikləri təqdirdə qeyd olunan ayənin zahiri mənası ilə müxalifət etmiş olmurlarmı?
Cavab: İslam dinində zina və ləvat əməlləri istisna olmaqla yerdə qalan bütün əməllər üçün iki nəfər şahid tələb olunur. Bu Allahın Öz bəndələrinə verdiyi qəti hökmlərdəndir ki, onlara itaət etmək hər bir müsəlmanın ən başlıca vəzifəsidir. Sözsüz ki bu hökmlərin hər birinin özünəməxsus hikmət və səbəbləri vardır. Lakin onlar hələdə bizə məlum deyil. Bəlkədə dörd nəfər şahidin tələb olunmasının hikmətlərindən biri zina ilə ləvatın camaat arasında yayılmasının qarşısını almaq, başqalarının buna cürət etməsinə imkan verməmək və belə bir çirkin əməlin yayılmasının qarşısını almaqdır . Bütün bunlarla yanaşı hər iki çirkin əməl insan qeyrətini məhv etməsinə səbəb olduğu və Allah-Təala məsələnin daha çox əhəmiyyət kəsb etdiyini bildirmək üçün digər işlərdən fərqli olaraq zina və ləvat üçün iki deyil, dörd nəfər şahidin gətirilməsini tələb edir. Şahidliyin gizlədilməsinin haramlığına və şahidlik verilməsinin vacibliyinə gəldikdə isə bunu deyə bilərik ki, bütün bunlar yalnız o zaman vacib ola bilər ki, haqq öz yerini tapsın, batil isə məhv olub aradan getsin. Yəni, verilən şahidlik yalnız haqqın öz yerini tapmasına səbəb olsun və möminlərdən kimsə zərər çəkməsin.
Deməli, hakimin qarşısında başqa birisinin zina etməsinə dair şahidlik vermək istəyən şəxs hər şeydən əvvəl özündən başqa üç nəfərin şahidlik verə biləcəyini müəyyən etməli və artıq bundan sonra şahidlik etməlidir. Əks təqdirdə,yəni şahidlərin sayı dörd nəfərdən az olduqa şahidlik etməkdən imtina etməməlidir. Verildikdə belə onların şahidliyi şəri nöqteyi nəzərdən kifayət etmədiyi üçün qəbul olunmur və onların özlərinə qarşı müvafiq cəza tətbiq olunmalıdır. O ki qaldı bunun zinakarlığın rəvac tapa biləcəyinə səbəb olacağına dair dediklərinizə, bilməlisiniz ki, bu iş nəinki zinakarlığın rəvac tapmasına səbəbə olmur, bəlkə əksinə olaraq insanlarda qorxu hissi oyadır, bu isə zinakarlığın qarşısını alınmasına səbəb olur. Və bütün bunlarla yanaşı insan zinanın böyük günah olduğunu başa düşür.
************
source : الشیعه
