"İcərişəhər “Cümə” məsçidi dini icması bəşəriyyətin yaranış fəlsəfəsi olan əziz İslam peyğəmbəri Həzrət Muhəmmədin (s) mübarək mövludu münasibətilə silsilə tədbirləri davam eidirir.
İcmanın fəalları tərəfindən keçirilən növbəti tədbir - “İslam Peyğəmbəri (s) və vəhdət” mövzusunda seminar olmuşdur. Seminarı giriş sözü ilə açan T.Ağamirzəzadə qonaqları salamladıqdan sonra, aləmlərə rəhmət olaraq göndərilmiş Həzrət Muhəmmədin (s) və İmam Cəfər Sadiqin (ə) mövludları, həmçinin “Vəhdət həftəsi” münasibəti ilə dünya müsəlmanlarının bayramını təbrik etdi və seminarı müqəddəs Qurani-Kərim tilavəti ilə başlamaq üçün sözü qari Məşhədi Elnur Əlioğluna verdi.
Sonra “Həqiqi vəhdətin mahiyyəti” barədə məruzə etmək üçün söz M.Aydına verildi
“İslam - yəni vəhdət” adlı çıxışında V.Abbasov zamanımızla bağlı çox həssas mövzulara toxundu.
K.Sahib “Həzrət Muhəmmədin (s) siması "Nəhcül-bəlağə"də” mövzusunda çıxışı ilə Həzrəti Əlinin (ə) baxışı ilə əziz Peyğəmbərimizin (ə) bizə miras qoyduğu həqiqi vəhdətdən danışdı.
Seminarın davamında mövzuya aid müzakirələr olundu və fikirlər səsləndi.
Tədbirin seminar hissəsi Həzrət Rəsullalah (s) və onun pak Əhli-beytinə (ə) salavatla yekunlaşdıqdan sonra, bayram münasibəti ilə hazırlanmış şirniyyat süfrəsi düzənləndi.
source : http://deyerler.org
