Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Mübarək Ramazan ayının 15-i İslam Xilafətinin 2-ci Xəlifəsi, Şiələrin 2-ci imamı və Allah Təbarəku Təalanın təyin etdiyi 4-cü məsumu, İslamda Əhli-Beytin nümayəndəsi, Peyğəmbərin (səlləllahu əleyhi və alih) böyük səhabəsi Həsən ibn Əlinin (əleyhimə səlam) anadan olan günüdür.
Biz ABNA olaraq bu şərəfli gün münasibəti ilə, başda İmam Zaman həzrətlərini (Allah Təala onun şərəfli zühurunu tezləşdirsin) olmaqla varisi İmam Xamenei cənablarını, Ali Təqlid Mərcələrini, bütün dünya xalqlarını, mömün və məzlum təbəqəni səmimi qəlbdən təbrik edir və onlara ən gözəl xoş arzular diləyirik.
İmam Həsənin (əleyhi səlam) həzrətlərinin həyatına qısa bir baxış
Mövludu
Həsən Hicrətin 3-cü ilində Ramazan ayının ortasında Mədinədə dünyaya gəlmişdir. O mömünlərin Əmiri həzrəti Əlinin (əleyhi səlam) böyük oğludur. İmam Həsən Qüreyş qəbiləsinin Bəni-Haşim tayfasındadır. Anası Dahi İnsan həzrəti Məhəmməd Peyğəmbərin (səlləllahu əleyhi və alih) qızı Beheşt neməti, Dünya Xanımlarının Xanımı həzrəti Fatiməi Zəhradır (əleyha səlam). Künyəsi Əbu Məhəmməddir. Ən məşhur ləqəbi Müctəba və Təqidir, Tayyib, Zəki, Seyid, Səbt və s.
Qeyd edək ki, Böyük İslam Peyğəmbəri həzrəti Məhəmməd ibn Əbdullah (səlləllahu əleyhi və alih) onu Seyid (Ağa) adlandırmışdır.
İmam Həsənin Adını Allah (cəllə cəlaluh) Qoyub
İmam Həsənin (əleyhi səlam) adının qoyulması haqqında Şeyx Səduq belə rəvayət etmişdir: Həzrəti İmam Həsən (əleyhi səlam) dünyaya gələndə, Allah (cəllə cəlaluh) həzrəti Cəbrailə (əleyhi səlam) Məhəmmədin (səlləllahu əleyhi və alih) bir övladı (nəvəsi) oldu. Onun yanına get və salamlarımı və təbriklərimi təqdim edərək belə de: Şübhəsiz, Əlinin (əleyhi səlam) Sənə olan mövqe və mənzili, Harunun (peyğəmbərin) Musaya (peyğəmbərə) olan mənzil və mövqeyi kimidir (admin: həzrəti Harun əleyhi səlam həzrəti Musanın əleyhi səlam canişini və Allah tərəfindən Musadan sonrakı Xəlifə və İmam idi); Elə isə ona (İmam Həsən) Harunun uşağına qoyduğu adı qoy. Həzrəti Cəbrail (əleyhi səlam) Allah (cəllə cəlaluh) tərəfindən həzrət Peyğəmbərin (səlləllahu əleyuhi və alih) yanına gələrək təbriklərini çatdırdıqdan sonra belə dedi: Allah, onun adını Harunun (əleyhi səlam) uşağının adını qoymaqla vəzifələndirdi. Həzrət Peyğəmbər (səlləllahu əleyhi və alih): Harunun (əleyhi səlam) uşağının adı nədir? Deyə soruşdu. Ərz etdi ki: Şubbər. Buyurdu ki: Mənim dilim Ərəbcədir. Ərz etdi ki: Onun adını "Həsən" qoy. Beləliklə, Həzrət Peyğəmbər (səlləllahu əleyhi və alih) onun adını Həsən qoydu.
Səduq, Məhəmməd ibn Əli, Əmali, tərc Kəmrəi: səh. 134
İslam Peyğəmbəri həzrəti Məhəmməd ibn Əbdullahın (səlləllahu əleyhi və alih) yanında
Bərra belə deyir: Həsən ibn Əli (əleyhimə səlam), Peyğəmbərin belində olduğu zaman Peyğəmbərin belə dediyini eşitdim: Allahım! Mən bunu sevirəm, sən də sev. (Buxari, c. 2, səh. 432, Süyuti, səh. 206)
Başqa bir hədisdə həzrəti Peyğəmbər Həsən və Hüseyni ayaqları üzərində oturtduğu zaman belə buyurub: Bu ikisi mənim və qızımın oğullarıdır, Allahım! Mən bunları sevirəm, Sən də bunları sev və onları sevəni də sev. (Süyuti, səh. 207)
Digər bir hədisdə həzrəti Məhəmməd Peyğəmbər (səlləllahu əleyhi və alih) İmam Həsən və Hüseyn (əleyhimə səlam) haqqında belə buyurur: "Həsən və Hüseyn cənnət gənclərinin ağasidir". (Səduq 1363, səh. 333)
Həzrəti Peyğəmbər buyurub: "Bu iki oğlum, mənim dünyadakı iki gözəl qoxulu gülümdürlər". ," Həsən və Hüseyn (yaxud da bu iki övladım) İmamdır, istər qiyam etsinlər və istərsə də sülh etsinlər". (Məclisi, Bihar, c. 37, səh. 73, Səduq, İləluş-Şərai, c. 1, səh. 211, Müfid, əl-İrşad, c. 2, səh. 27)
İslam Peyğəmbəri (səlləllahu əleyhi və alih) buyurub: "Əgər ağıl bir adamda cisimləndirilmiş olsaydı, həqiqətən Həsən olardı". (Cəvini, Fəraidus-Simteyn, c. 2, səh. 68)
Diqqət: Xəbərdən istifadə etdikdə mənbəyə istinad lazımdır
source : abna
