Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Əziz İslam Peyğəmbəri həzrəti Muhəmməd ibn Əbdullahın (Allahın səlam və rəhməti ona və ailəsinin üzərinə olsun) ən yaxın və böyük səhabələrindən biri sayılan eyni zamanda Xanım Fatimənin və həzrəti Əli ibni Əbu Talibin (Allahın səlamı onların üzərinə olsun) yaxın sirdaşı və səhabəsi Səlman Farsinin (rizvanullahi təala əleyh) məqbərəsi İraqda yerləşir.
Məqbərə Bağdaddan 30 km aralıqda cənub şərq məntəqəsində yerləşən Mədain şəhərindədir.
SƏLMAN FARSİ KİMDİR?
Səlman Farsi həqiqət sorağında, yəqinlik məqamı arzusunda olan bir iranlı idi. Bu insan öz haqtələb həyatının müxtəlif eniş-yoxuşlarından və macəra dolu səfərlərindən sonra, nəhayət, həqiqətə nail olur, Allahı tanıya bilir. Doğru yol və ilahi məktəb uğrunda göstərdiyi səyləri nəticəsində həzrət Rəsuləllah ona Səlman Muhəmmədi ləqəbini verir və “Səlmanu Minna Əhləl Beyt”- Səlman Biz Əhli Beytdəndir deyə buyurur.
Səlman Farsi İslam hərəkatının çiçəkləndiyi bir dövrdə böyük xidmətlər göstərərək Peyğəmbərin (s) ən yaxın adamlarından oldu və həzrətin (ə) vəfatından sonra da bu yolda mətinliklə dayana bildi.
Fəzilət və kamal çeşməsi olan Səlman hicri 35-ci ildə uzun bir ömür yaşadıqdan sonra Allahın bəyəndiyi bir aqibətlə dünyaya vida dedi. (Bəzi mənbələr Səlmanın 250, bəzi mənbələr isə 350 il yaşadığını bildirirlər.)
source : abna24
