Qum Dini Elmlər Hövzəsinin müəllimi höccətulislam vəlmuslimin Adil Molayi bu gün Qum-Savə şose yolunda baş verən avtomobil qəzasında dünyasını dəyişib.
IRIB-nin məlumatına görə, höccətulislam vəlmuslimin Adil Molayi Ərdəbil ostanındandır.
Fəlsəfi və irfani elmlər üzrə görkəmli tədqiqatçı olan höccətulislam vəlmuslimin Molayi xüsusən Ərdəbil ostanında ricalşünaslıq elmində məşhur şəxs idi.
Ərdəbil və Şərqi Azərbaycan ostanları üzrə dini xadimləri muzeyinin yaradılması höccətulislam vəlmuslimin Adil Molayinin təqdiqatlarının məhsulu olub. Həmçinin Azərbaycan Respublikasında Qafqaz din xadimləri muzeyinin işə salınması üçün o, böyük səylər göstərərək, araşdırmalar aparıbdır. O, "Qafqaz müdrikləri" kitabını çap etdirə bilib və bu dəyərli kitabın həm Tehranda, həm də Bakıda təqdimatı olubdur.
Onun digər əsərlərindən "Eşq yolunun tanışları" və "Solğun güllər küləkdə" əsərlərini göstərmək olar. O, həmçinin humanitar elmlər sahəsində müxtəlif məqalələr çap etdiribdir ki, onlardan "Qafqaz din alimlərinin küfr, ateizm və diktatorluq qarşısında iki əsr müqaviməti"nə işarə etmək olar.
Adil Molayi Səhər telekanalının televiziya verilişlərinin dini ekspertlərindən olub və tamaşaçılar tərəfindən rəğbətlə qarşılanıbdır.
source : irib
