Xəbər Agentliyinin verdiyi xəbərə əsasən, Azərbaycanın tanınmış İlahiyyatçısı Seyyid Elman Ağazadənin vəkili Akif Əliyev müvəkkili haqda məlunat verib.
Vəkil ildirib ki, İlahiyyatçı Elman Ağazadə apellyasiya şikayəti verib.
Vəkili Akif Əliyev verdiyi açıqlamasında bildirib: “Nardaran hadisələri ilə bağlı Lənkəranda tutulan ilahiyyatçı Elman Seydəmir oğlu Ağazadənin barəsində seçilmiş həbs qətimkan tədbirinin uzadılması ilə bağlı məhkəmə qərarından apellyasiya şikayəti verilib. Və yaxın günlərdə təqdim edilən apellyasiya şikayətinə baxılacaq.”
Xatırladaq ki, ötən həftə Nəsimi Rayon Məhkəməsində Elman Ağazadənin barəsində seçilmiş həbs qətimkan tədbirinin uzadılması ilə bağlı istintaq orqanının verdiyi təqdimata baxılıb.
Məhkəmə onun barəsində seçilmiş həbs qətimkan tədbirini 3 ay 25 gün müddətinə artırıb. Qərardan narazı qalan E.Ağazadə apellyasiya şikayəti verib.
Xatırladaq ki, Daxili İşlər Nazirliyi (DİN) birbaşa İlham Əliyevin başçılığı ilə 2015-ci il noyabrın 26-da Bakı şəhərinin Nardaran qəsəbəsində əməliyyat keçirib.
Nardaran hadisələri zamanı 2-si polis olmaqla 7 nəfər Şəhid olub. Şəhid olan iki polis işçisinin əməkdaşları tərəfindən həlak edildiyi ortaya çıxıb. Həmin gün Tale Bağırzadə və onun 14 tərəfdarı həbs edilib.
Sonradan prokurorluq bildirdi ki, «Müsəlman Birliyi» Hərəkatına görə, ümumilikdə 70 nəfər şəxs həbs olunub. Onlardan daha yüngül maddələrlə ittiham edilənlərdən bir çoxunun məhkəməsi bir müddət öncə başlayıb. Bəzilərinə 1 il 6 aydan, 2 il 6 aya qədər həbs cəzası verilib.
Diqqət: Xəbərdən istifadə etdikdə mənbəyə istinad lazımdır
source : abna24
