Əhl Beyt – ABNA- xəbər agentliyi “ARMENIA Today” agentliyinin verdiyi məlumatına istinadən, bütün Ermənilərin Katolikosu II Qaregin gizir Şəhid Seyyid Mübariz İbrahimovun meyitinin qaytarılması üçün Ermənistan prezidentinə müraciət edib.
Məlumata görə, Qafqaz Müsəlmanları İdarəsinin sədri Şeyxülislam Allahşükür Paşazadə Moskva və bütün Rusiyanın patriarxı Kirill vasitəsilə II Qareginə müraciət edərək, bu işdə yardım etməsini xahiş edib. Bununla əlaqədar II Qaregin Ermənistan prezidenti Serj Sərkisyanla görüşüb. Lakin II Qareginin hansı cavab alması hələlik açıqlanmır.
Qeyd edək ki, gizir Ş.S. M. İbrahimov bu il iyunun 18-də Tərtər cəbhəsində tək başına, arxa cəbhədən kömək almadan Ermənistan Silahlı Qüvvələrinin üzərinə gedərək,altı saatlıq döyüşdən sonra, yüzlərlə erməni işğalçılarını cəhənnəmə göndərərək, sübh namazı vaxtı qəhrəmancasına həlak olub.
Ruhu şad, yolunun davamçıları artıq olsun . Amin !
DİQQƏT : Xəbərdən istifadə etdikdə mənbəyə istinad lazımdır.
source : www.abna.ir
