İranın mədəniyyət və islam irşad naziri Seyid Məhəmməd Hosseyni Səudiyyə Ərəbistanın mədəniyyət naziri Əbdüləziz Höcə ilə Ciddədə görüşüb.
Görüş zamanı 2013-cü ildə Mədinə şəhərinin İslam dünyasının mədəniyyət paytaxtı olacağı barədə qərar qəbul edilib.
Tərəflər mədəniyyət və mətbuat əməkdaşlığına ehtiyac olduğunu, beynəlxalq Quran sərgilərində və mədəniyyət həftələrində fəal iştirak etməyə ehtiyac duyulduğunu vurğulayıblar.
Əbdüləziz Höcə hər iki ölkənin mədəniyyəti və tarixi birliyi barədə danışıb və deyib ki, İran qonşu dost ölkədir. İki ölkə arasında yaxşı münasibətlər qurulub. Quran mədəniyyətini qoruyan İranın fərqləndirici xüsusiyyətlərindən biri odur ki, bu ölkə Quran yazılarını qoruyur, yayır və inkişaf etdirir. 2013-cü ildə Mədinə İslam dünyasının mədəniyyət paytaxtı olacaq. Bu vacib hadisəyə həsr olunacaq bayramda iştirak üçün İran və bütün islam ölkələri dəvət olunublar.
Xatırladaq ki, 2012-ci ildə İslam dünyasının mədəniyyət paytaxtı İraqın Ən-Nəcəf şəhəri seçilib./SalamNews
source : http://az.islam.az
