Бу ҝүн Имам Әлиjjән Нәгинин (әлеһис сәлам) милад баjрмыдыр
Шиәләрин онунҹу Имамы - Имам Әлиjjән Нәги (әлеjһис сәлам) һиҹрәтин 212-ҹи или, Зил Һиҹҹә аjынын 15-и, Мәдинә jахынлығындакы Сәрjа адлы бир jердә анадан олмушдур. Атасы Имам Ҹавад (әлеjһис сәлам), анасы исә һөрмәтли Сәманә (сәламуллаһи әлеjһа) ханым олмушдур.
Әһли Беjт (әлеjһимус сәлам) -АБНА- хәбәр аҝентлиjи- Бу ҝүн милад тарихи илә 21 Октjабр, 2013 тарихә тәсадүф едән Һиҹри Гәмәри тарихи илә, мүбарәк Зил Һиҹҹә аjынын 15-и, Ислам Пеjғәнбәри Муһәммәд Ибн Әбдуллаһын (сәлләллаһу әлеjһи вә алиһ) нәслиндән олан мәсум өвлады, Ислам Аләминин онунҹу Имамы, Имам Әлиjjән Нәги (әлеjһис сәлам) ҹәнабларынын анадан олан ҝүнүдүр.
Бу ҝүн дүнjа Мүсәлманларынын ән севинҹли ҝүнләриндән бири саjылыр. Бу ҝүндә Алаһ Тәалаjа едилән дуаларын гәбул олан ҝүнүдүр. Биз АБНА олараг дүнjа Мүсәлманларынын бу севинҹинә гошулур вә мисилсиз баjрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) һәзрәтләри вә онун һагг наиби Имам Хаменеjи ҹәнаблары олмагла бүтүн бәшәриjjәти сәмими гәлбдән тәбрик едирик.
Һәjаты барәдә гыса мәлумат
Шиәләрин онунҹу Имамы - Имам Әлиjjән Нәги (әлеjһис сәлам) һиҹрәтин 212-ҹи или, Зил Һиҹҹә аjынын 15-и, Мәдинә jахынлығындакы Сәрjа адлы бир jердә анадан олмушдур. Атасы Имам Ҹавад (әлеjһис сәлам), анасы исә һөрмәтли Сәманә (сәламуллаһи әлеjһа) ханым олмушдур. О, елә әввәлдән фәзиләтли вә тәгвалы бир кәниз иди.
1 Онунҹу Имамын ән мәшһур ләгәбләри Нәги вә Һади (әлеjһис сәлам) олмушдур. О Һәзрәтә "үчүнҹү Әбүлһәсән" деjирләр.
2. Имам Һади (әлеjһис сәлам) һиҹрәтин 220-ҹи илиндә әзиз атасынын шәһадәтиндән сонра сәккиз jашында икән Имамәт мәгамына jетишмишдир. О Һәзрәтин Имамәт мүддәти отуз үч ил, үмуми өмрү исә гырх бир ил вә бир нечә аj олмуш вә һиҹрәтин 254-ҹү илиндә Самирра шәһәриндә шәһадәтә говушмушдур.
Әббаси сүлаләсинин гәсбкар вә гатил хәлифәси Мөтәззин (ләнәтуллаһи әлеjһ) һакимиjjәти дөврүндә Мөтәззин вердиjи бирбаша фәрманы чәрчивәсиндә зәһәрләнәрәк Шәһид олмуш вә евиндәҹә дәфн олунмушдур.
Диггәт: Хәбәрдән истифадә етдикдә мәнбәjә истинад лазымдыр
source : nooralquran.net
