Qətər İslam Sığorta Şirkətinin təsis etdiyi 11-ci Quran müsabiqəsi xanımlar və uşaqlar arasında keçirilib.
Quran Xəbər Agentliyi The Peninsula xəbər agentliyinin verdiyi məlumata görə, minlərlə iştirakçının qatıldığı müsabiqə Duha şəhərinin “Həmzə ibn Əbdülmüttəlib” mədrəsəsində və “Cinan” mərkəzində təşkil olunub.
Müsabiqə “Maidə”, “Luqman” və “Mütəffifin” surələrinin hifzi üzrə ramazan ayında Quran qiraətinə həvəs oyatmaq məqsədilə keçirilib. Qaliblər Fitr bayramında təşkil olunacaq mərasimdə mükafatlandırılacaqlar.
Xatırladaq ki, Qətər İslam Sığorta Şirkəti Quranla bağlı çoxsahəli fəaliyyət göstərir. Bu şirkətin ölkə ərazisində 24 Quran mədrəsəsi vardır.
source : ایکنا