Cavab:Ruhun bədənlə olan əlaqələrindən biri də tərbiyə xarakterli əlaqədir. Yəni , Allah-Təala ruhu bədən üçün bir növ tərbiyəçi və onu kamala çatması üçün vasitə qərar vermişdir. Deməli, ruhun bədən üzərində ifa etdiyi rol iki hissədən ibarətdir. Onlardan birincisi tənəffüs , həzm kimi qeyri ixtiyari , ikincisi isə idrak və hiss orqanları kimi ixtiyari yiyələnmədir. İnsan yuxuda olarkər onun ruhu birinci və ikinci hissəyə aid olur vəfat etdikdə isə hər iki yiyələnmə öz qüvvəsini itirərək aradan gedir.
Bütün bunlarla yanaşı ruh Allahın izn və iradəsi ilə bədən üzvlərinin hər birini və insanın malik olduğu hər bir qüvvəni kamilləşdirərək Ona yaxınlaşdırır.
Ruhun bədənlə olan əlaqələrindən biri də bədən üzvlərini idarə etməsidir. Bunun nəticəsində insan öz nəsliniini artıra və idrak qüvvəsi ilə qarşısına çıxan məsələləri araşdıra və təhlil edə iblir . Deməli , insanın idrak qüvvəsi Allahın izn və iradəsi ilə ruhun nəzarəti altında qalır. Belə ki , insanın əlini tikan və ya iynə batdıqda dərhal onu çıxarmağa can atır. Ruhun qəribəliklərindən biridə bədən üzvlərindən birinin hər hansı bir işi icra etməyə sövq və ya vadar etməsi, digər üzvlərə mane olmamasıdır. Bildiyimiz kimi insan orqanizmi ayrı-ayrılıqda eyni anda yüzlərlə funksiya yerinə yetirir və onlardan heç biri başqa birisinə əsla mane olmur. Onların hamısını idarə edən isə qeyd etdiyimiz kimi ruhun özüdür . Məsələn , eyni anda biz yol gedirik , gözümüzlə ətrafa nəzər salırıq , ətrafdan qalxan qoxunu iyləyirik və s.
Və nəhayət ruhla bədən arasında olan əlaqələrdən biridə ruhun bədənə hakim olmasıdır. Bu mənada ki , ruh bütün bədən üzvlərinə nəzarət edir və onun təsiri olmadan heç bir bədən üzvü üzərinə düşən işi icra edə bilmir. Lakin bəzi hallarda bədən üzvlərindən bəziləri xəstəlik üzündən ruhun nəzarəti altından çıxaraq öz işini dayandırır.İnsan vəfat etdikdə isə bədən bütünlüklə ruhun nəzarəti altından çıxır.
************
