SƏCDƏNİN HÖKÜMLƏRİ

60- Sual: Miz ya stul üzərində namaz qılan şəxslərin səcdə vaxtı baş barmaqlarının ucunun yerin üzərində olması lazımdır?

Cavab: Bəli lazımdır.

61- Sual: Namazı oturan halda qılan bəzi şəxslər səcdə üçün möhrü götürüb alına qoyurlar, bu düzdür yoxsa gərək alını möhürün üzərinə qoysunlar?

Cavab: Miz ya stuldan istifadə edənlər səcdə yerini yuxarı gətirsinlər. Əgər bu miqdar da əyilə bilmirlərsə, möhürü əl ilə qaldırıb alını onun üzərinə qoysunlar.

62- Sual: Səcdə etmək qudrəti olmayan şəxslərin vəzifəsi nədir?

Cavab: Edə bilər möhürü hündür bir şeyin üzərinə qoyub ona səcdə eləsin.

63- Sual: Vacibi səcdə olan ayələri radiyodan ya kasetdən eşitdikdə, səcdə vacib olurmu?

Cavab: Əgər radiyodan canlı eşidərsə, səcdə vacibdir və əgər kasetdən eşidirsə, səcdənin hökmü ehtiyatdır.

64- Sual: Vacibi səcdə olan ayənin tərcüməsini eşidsək səcdə vacib olur?

Cavab: Vacibi səcdə olan ayənin tərcüməsini eşitməklə, səcdə vacib olmur.

65- Sual: Namazda qeyri səcdə vaxtı, vacibi səcdə olan ayəni eşıdəndə vəzifəmiz nədir?

Cavab: Gərək başı səcdədən götürüb yenidən səcdəyə gedəsiniz.

66- Sual: Səcdədə yeddi üzv vacibdir ki yerin üstündə olsun, əgər bu yeddi üzvdən başqa üzüvlər yerə dəysə məsəlın dirsək, səcdə düzgündürmü?

Cavab: Maneəsi yoxdur, və səcdə düzdür.

67- Sual: Məscidin yerində çini daş, mərmər və s... var. Bunlara səcdə düzgündür yaxut ancaq möhürdən istifadə etməliyik?

Cavab: Qeyd olunmuş daşlara səcdə etmək düzdür.