Dünya müsəlmanları "Vəhdət həftəsi"ni qeyd etməkdədir. Dünyanın hər yerində olduğu kimi Vətənimizdə də Əziz İslam Peygəmbərinin (s) - aləmlərin yaranış fəlsəfəsi olan Həzrət Muhəmmədin (s) və İmam Cəfər Sadiqin (ə) mübarək mövludları, habelə "Vəhdət" həftəsi münasibətiləbayram tədbirləri keçirilməkdədir.
"İcərişəhər “Cümə” məscidi dini icması da bayram tədbirlərini davam etdirir. Hal-hazırda İcma növbəti bayram tədbirlərini keçirir.
Bayram tədbiri Qurani-Kərimin tilavəti və Azərbaycan Dövlət Himninin səsləndirilməsi ilə başlanılıb. Daha sonra bayram tədbiri açıq elan edilib. Hal-hazırda "Əhli-Beyt (ə) aşiqləri" qrupunun ifasında ilahilər səsləndirilib.
Daha sonra 6-cı ildir keçirilən "Mövlud Olimpiadası"nın qaliblərinə diplomlar və mükafatlar təqdim edilib. Qeyd edək ki, "Mövlud Olimpiadası" həm böyüklər, həm də ikinci ildir ki, uşaqlar arasında keçirilib.
Qeyd edək ki, VI "Mövlud Olimpiadası"nın qalibləri aşağıdakılardır:
VI yer - İsmayılova Gülsüm
V yer - İsayeva Məryəm
IV yer -Şıxiyev Ramin
III yer - İsayeva Mədinə
II yer - ƏIiyev Coşqun
və 71 bal toplamış Masiyeva Leyla xanım I yeri tutmaqla VI "MÖVLUD OLİMPİADASI"nın qalibi olmuşdur.
II "Uşaq Mövlud Olimpadası" qalibləri aşağıdakılardır:
3 nəfər 95 balla üçüncü nəticə (Qurbanov Muhəmməd, Hacızadə Əli Əsğər, Tahirə Rəşid), 1 nəfər 95,8 bal yığmaqla ikinci nəticə (Abdullayev Əli), 3 nəfər isə tam 100 bal toplamaqla birinci nəticə (Zəhra Hüseyn, Allahverdi Muhəmməd Əli, Hüseyn Məlik) göstərib.
Daha sonra söz alan Hacı İlqar İbrahimoğlu Mövlud münasibətilə başda İmam Zaman (ə.f) olmaqla hər kəsi təbrik etdi. Hacı İlqar qeyd etdi ki, Peyğəmbərin (s) mövludu dövlət səviyyəsində qeyd olunmalıdır. Hacı İlqarın çıxışını tam formada yaxın vaxtlarda "Deyerler.org"dan izləyə bilərsiniz.
Tədbirdə "Azərbaycanda müqəddəs dinimizin təbliğində gördüyü mühüm işlərə, milli-mənəvi dəyərlərin təsbitinə və inkişafına verdiyi böyük töhfəyə görə, Həzrət Rəsulullahın (s) mübarək mövludu və «Vəhdət həftəsi» münasibətilə" Şəhid Hacı Vaqif Abdullayev ilin adamı elan olundu və onun həyat yoldaşına Fəxri fərman təqdim olundu
Tədbir "Fərəc" duasının oxunması ilə yekunlaşdı.
source : http://deyerler.org
