Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Səudiyyə vəhhabi rejiminin göstərişi ilə, Nigeriya dövləti tərəfindən ötən ay (2015-ci ilin Dekabırı) Zariya şəhərindəki Bəqiyətullah Hüseyniyəsi və Nigeriya İslam Hərakatının Lideri Ayətullah Şeyx Zəkzakinin mənzilinə olunan silahlı basqınlardan sonra mediada bu faciənin son görüntüləri yayımlanıb.
Yerli sakinlərin verdikləri məlumata görə, Nigeriya ordu qüvvələrinin Zariya şəhərində Gilsu məntəqəsində Şeyx Zəkzakinin mənzilinə silahlı basqın etdikləri zaman ev sakinlərinə və qonşuluqda olan insanlara tərəf odlu silahlardan atəş açaraq yüzlərlə insanı Şəhid etmiş və yüzlərlə insanı ağır və yüngül dərəcəli xəsarətlər ilə yaralamışlar.
Hal şahidlərinin bildirdiyinə görə, xeyli sayda yaralı hərbiçilər tərəfindən həbs edilərərk zindanlara salınmış və orada onlara heç bir tibbi yardım göstərilməmişdir. Yaralıların əksəriyyəti tibbi yardımın olmaması ucbatından zindanda dünyalarını dəyişirlər.
Aşağıda müşahidə edəcəyiniz şəkillər Şeyx Zəkzakinin evi hərbiçilər tərəfindən yandırıldığı zaman Şeyxi qorumağa gedən silahsız gənclərə aiddir ki, ağır yanğın dərəcələri ilə, yanralanıblar.
