اسرائیل نے تاریخی اسلامی پتھر چوری کر لئے

اسرائیلی حکومت نے اسلامی آثار اور تاریخی پتھر چوری کر لئے۔فلسطین میں اسلامی مقدسات کی تعمیر و ترقی کے ادارے اقصی ٰفانڈیشن کے مطابق مسجد اقصیٰ کے جنوب میں واقع اموی علاقے میں کھدائی کی گئی اور وہاں کے اسلامی آثار اور تاریخی پتھروں کو ٹرکوں کے ذریعے نامعلوم مقام پرمنتقل کر دیا گیا۔

اقصیٰ فانڈیشن کے بیان میں کہا گیا ہے کہ اسرائیلی حکومت کھدائی کے عمل کے ذریعے مسجد اقصی اور مقبوضہ بیت المقدس کو یہودیانے کی سازش میں مصروف ہے۔وہ مسجد اقصی کو شہید کر کے نام نہاد ہیکل سلیمانی کی تعمیر چاہتی ہے۔