مسلمانوں کے اعتقادات کا احترام کرنے کے جرم میں جیل کے محافظ سپاہیوں کو سزا

بین الاقوامی: کنیڈا کی ٹورنٹو جیل کے محافظ سپاہیوں کی طرف سے مسلمان قیدیوں کے اعتقادات کا احترام کرنے کی بنا پر انہیں سزا سنائی گئی ہے۔

خبررساں ایجنسی شبستان کی رپورٹ کے مطابق کنیڈا کی ٹورنٹو جیل کے آٹھ محافظ سپاہیوں کو اس دلیل کی بنا پر سزا سنائی گئی ہے کہ انہوں نے مسلمان قیدیوں کو نماز جماعت قائم کرنے کی اجازت دی ہے۔

دوسری جانب جیل میں نماز جماعت میںشرکت کرنے والے ان مسلمان قیدیوں کو علیحدہ علیحدہ جیلوں میں منتقل کر دیا گیا ہے تاکہ وہ ایک دوسرے سے رابطہ قائم نہ رکھ سکیں۔

موصولہ رپورٹ کے مطابق ان محافظوں نے مسلمان قیدیوں کو جیل میں نماز پڑہنے کی اجازت دی اور انہوں نے مسلمانوں کے اعتقادات کا احترام کرتے ہوئے انہیں آزاد چھوڑ دیا اور ان کی عبادت کا منظر دیکھتے رہے۔

کہا جاتا ہے کہ جیل کے محافظ سپاہیوں نے جب مسلمانوں کو نماز قائم کرنے کے لئے دیکھا تو انہوں نے مسلمانوں کے لئے جائے نماز وغیرہ کا اہتمام کیا۔