حرم امامین عسکریین (ع) کے گیٹ پر ہیلی کاپٹر گرکر تباہ/ سید الشھدا بٹالین کا کمانڈر شہید

عراقی ذرائع ابلاغ نے عراقی فوج کا ہیلی کاپٹر تکنیکی خرابی کے باعث حرم امامین عسکریین (ع) کے مین گیٹ کے باہر گر کر تباہ ہو گیا ہے۔
پائلٹ نے ہیلی کاپٹر کو صحن حرم میں اتارنے کی کوشش کی لیکن تکنیکی خرابی کی وجہ سے لینڈ نہیں کر پایا اور گر کر تباہ ہو گیا۔
اطلاعات کے مطابق ہیلی کاپٹر میں سوار افراد زخمی ہوئے ہیں لیکن گیٹ پر ڈیوٹی دے رہے ایک فوجی اہلکار کی ہیلی کاپٹر کے کسی حصے کے لگنے سے شہادت واقع ہو گئی ہے۔
ادھر دوسری جانب الکتائب سید الشھداء بٹالین نے ایک بیان جاری کر کے دھشتگردوں کے ہاتھوں اپنے ایک کمانڈر کے شہید ہونے کی اطلاع دی ہے۔ اس بیان میں آیا ہے کہ الکتائب سید الشہداء بٹالین کے کمانڈر ابو سیف الغراوی سامرہ میں حرم مطھر کا دفاع کرتے ہوئے شہید ہو گئے ہیں۔
اس رپورٹ کے مطابق ابوسیف الغراوی اس بٹالین کے اہم کمانڈروں میں سے تھے جو گزشتہ روز سامرہ میں شہید ہوئے ہیں۔