افغانستان؛ قندھار میں بم دھماکہ، تین دھشتگرد ہلاک

افغان ذرائع ابلاغ نے بتایا ہے کہ تینوں طالبان دہشت گرد سڑک کے کنارے ایک بم نصب کر رہے تھے، جو دھماکے سے پھٹ گیا۔ دھماکے میں تینوں دہشت گرد ہلاک ہوگئے۔ گذشتہ روز افغانستان کے اروزگان صوبے میں، سڑک کے کنارے نصب بم دھماکے میں چھے عام شہری جاں بحق ہوگئے تھے ۔ افغانستان کے مختلف علاقوں میں اس قسم کے حملوں میں شدت آئی ہے جس کے نتیجے میں اب تک دسیوں عام شہری جاں بحق اور زخمی ہوچکے ہیں۔